^^^هاااام لكل البناااااات^^^

^^^هاااام لكل البناااااات^^^

هذا الموضوع من موقع الاستاذ مصطفى حسنى الداعيه الاسلامى
يقول:

ايه اخباركم ؟؟ يارب تكونوا بخير و بصحه جيده

كنت من حوالى يومين على (الفيس بوك )...طبعا كلنا عارفينه

و بصراحه لاحظت و انا بقلب فى الجروبات الموجوده على الموقع ... لاحظت ان فى بنات كتييييير جدا جدا على الموقع ...

و مش دى المشكله

المشكله اللى بجد ضايقتنى جدا و قولت انى لازم اتكلم معاكم عنها ... هو انى لاقيت بنات كتير من اخواتنا متساهلين جدا فى وضع صور خاصه بهن ... و طبعا انا عارف الرد المتوقع من بنات كتيييييييييير

طب و هو فيها ايه ... عادى .... ما البنات كلها عامله كده ... انت غاوى عقد و خلاص .... الى آخره من الردود الجميله المتوقعه !!!!!

طب براحه عليا و لو سمحتى اسمعينى للأخر..... ممكن

اول حاجه و الله انا مش بكتب الكلام ده الا لأنى بجد بحاول اوجه نصيحه و الله لكل اخت ممكن الموضوع بالنسبه لها مش واضح شويتين ... و انا بأعتبارى اخ اصغر لكل اخ و اخت فى المنتدى هقدم مجرد نصيحه ... اتقفنا

انا عاوز ابدا كلامى بان انا يا جماعه شاب زى شباب كتير ....... يعنى ولد

و الحمدلله من فضل الله عليا انى اتعاملت مع مختلف النوعيات من الشباب ... يعنى الملتزم و الغير ملتزم و العادى و اللى مش حاطط حاجه فى دماغه و اللى مقضيها

و بفضل الله قدرت افهم كل نوعبه من الشباب الى حد ما ...و عرفت بتفكر ازاى و ايه اللى بيدور فى دماغهم ... تمام

فيا اختى انا بقولك انه مينفعش ابدا انك تحطى صورتك على النت ... باى شكل من الأشكال

انا دايما بقول لأختى الصغيره ... ربنا يخليهالى ... يا بنتى انت لازم تحافظى على نفسك و تكونى غاليه جدا .. و مش بس غالبه .. لأ ده انت لازم تكونى اغلى من اى واحده فى الدنيا ... مش لأنك اختى و بس

ده كمان ... لأنك مسلمه ... يعنى فيكى كل معانى الحياء و الرقه و الجمال ...

فلازم يا بنات تحافظوا على نفسكم ... يا اختى انت لازم تكونى كتاب مقفول ... لازم تكونى اغلى من ان اى شخص يعرف عنك اى حاجه او حتى مجرد يشوف صورتك

.

بلاش تكونى كتاااااااااب مفتوح لكل من هب و دب ... يعرف اسمك و عنوانك وتاريخ ميلادك ... و مش بس كده ده كمان يشوف صورتك .... و الله يا اختى انت كده بترخصى نفسك ... صدقينى الشاب اللى بيلاقى البنت سهله او متساهله ...صدقونى عمره ما بيفكر فيها ابدا كزوجه او كبنت غاليه ... لأنه عارف انه زى ما هو شاف صورتها ... ففى مليون واحد قبله شاف صورتها ... و احنا بطبعنا كشباب مهما كنا ملتزمين او حتى مش ملتزمين ... فأحنا وقت الجد و الأرتباط يوم ما بنفكر فى الأرتباط مافيش واحد بيقدر يرتبط بواحده صورها على النت ... لكل من هب و دب

و انا و الله يا اختى مش بتهم حد بعدم الحياء او غيره ......... لا و الله

كل ما فى الموضوع انه ما هو الا توضيح لمشكله انا شايف انها انتشرت ولازم نقضى عليها

و اوعى يا اختى تتقولى : ما هما كلهم صحابى و معايا فى الكليه ... يعنى كده كده بيشوفونى و عارفنى

هقولك : طب انت فتشتى فى نيه كل واحد ..... و ايه اللى فى دماغه من ناحيتك ... و حتى لو كانوا كلهم رجاله و عمر ما حد فيهم هيسجل صورتك عنده ... ولا هيعمل بيها اى حاجه ... و ده طبعا انا بتكلم بعيدا عن حكم الموضوع اصلا انه يكون عندك ولاد على النت .....

انا بس هركز على موضوع الصور ....

فبالله عليكى يا اختى ترضى انك يوم ما تتخطبى لأى واحد ... يلاقى نفسه فى يوم من الأيام على النت و صورك معروضه لكل تافه و لكل من له شأن و من ليس له شأن و لكل شاب....

و الله ساعتها لو بجد ان انسان غيووووووووور و ده المفروض

فمعتقدش انه يكمل مع واحده مرخصه نفسها لكل واحد ...

و لو سكت فصدقينى اخشى انه يكون ديوث ...

و مش فارقه معاه

لأنه لو مفرقتش معاه النهارده ... فبرضه بكره مش هيفرق معاه انه يشوفك بتسلمى على فلان وعلان .. او بتتكلمى مع اى حد ... لأنه من الأول اصلا مش فارق معاه انه مراته اللى هى بجد حبيبته و مفروض ان هى ليه لواحده و انه يحافظ عليها من كل حاجه بل من كل نظره ممكن تأذيها .... فساعتها برضه مش هيفرق معاه انه يكون عادى هو كمان ... و يتكلم مع اى واحده ...برضه بحجه انها زميلته و معاه فى الشغل و ساعتها هتلاقى نفسك انت يا اختى الغيره هتقتلك

لأن والله على قدر حفاظك على نفسك و تجهيزك لنفسك بأنك تكونى زوجه بجد وافيه فى المستقبل لزوجك

على قدر ما برضه زوجك هيكون وافى ليكى و هيحافظ عليكى .. و عمره ما هيفكر يجرحك بأنه يتكلم مع فلانه ولا غيرها ... لأنه عارف ان زوجته ماليا عليه حياته بكل معانيها و يمكن عمر ما حد شافها غيره ...

(مش ممكن يكون معاه صورتها)

و انا بمثلها دايما (بالجوهره) الغاليه اللى على قمه جبل

بالله عليكم ... اى واحد هيحب يبص لها هيكون بالساهل ؟؟؟

انا معتقدش .... اولا هيضطر يرفع راسه لأعلى نقطه علشان يقدر بس يلمح و لو انعكاس الشمس عليها ... لكن الجوهره نفسها مش هيقدر يشوفها و لا يعرف تفاصيلها ...

طب و لو حب انه يوصلها ... بالله عليكم فى واحده تافه ولا همته ضعيفه هيجى فى دماغه اصلا انه مجرد بس يحاول .... لأ طبعا

هيقولك يا عم وعلى ايه ده كله ... مانشوف لنا اى جوهره مرميه على الأرض و خلاص ... ما هو مبقاش اكتر منهم اليومين دول

لكن الشاب الجاد ... الراجل هو اللى هيصر انه يطلع الجبل و هيكون مستعد انه يصاب من اجل الوصول للجوهره الغاليه اللى على قمه هذا الجبل ... و طبعا اول ما هيوصلها استحاله هيفكر انه يفرط فيها مهما حصل

اما لو الجوهره دى مرميه على الأرض و فى الشارع و كل من هب و دب عمال رايح جاى يبص عليها و عرف كل حاجه عنها ... يوم ما هيحب يبص عليها

هيوطى دماغه ... بعد ما كان بيرفع راسه للقمه علشان يبص لها

و تانى حاجه مش هيفكر انه ياخدها .. هيقولك يا عم ده كل اللى رايح واللى جاى عمال يشوط فيها ... و لو حتى اخدها فمش هتبقى غاليه عنده و هيفرط فيها بمنتهى السهوله ...

اظن ان المثال واضح

خلي نفسك غالية و شيلى كل صورك اللى على النت ... و استغفرى ربنا ... و اسأليه الستر و العفاف فى الدنيا والآخره

منقول للإفاده

بارك الله فيك
[ندعوك للتسجيل في المنتدى أو التعريف بنفسك لمعاينة هذه الصورة]

جزاكي الله خيرا حبيبتي
ربنا يحمي ويستر كل بنات المسلمين

شكرا اوي ربنا يخليكي
بجد الموضوع جميل اوي وعجبني كتير
[ندعوك للتسجيل في المنتدى أو التعريف بنفسك لمعاينة هذه الصورة]