مشكله وحابه انى اعرف رئيكم فيها

السلام عليكم ورحمه الله وبركاته
دى مشكله خاصه بيا
انا متجوزة من سنه وايام يعنى يعتبر لسه جديده
انا جوزى شكله مش حلو بس مقبول
قبل الجواز كان يتمنى انى ارضى عنه وكان عارف انى مش بحبه وكان بيستحمل معاملتى اللى مش ولابد
وكان بينفذ لى كل طلباتى
بعد الجواز بشهرين انا بقيت حامل وحملى كان متعب اوى والله
ايمكن اهملت فى نفسى شويه من ناحيه اللبس وبسبب التعب واوقات كنت مبقدرش اقوم بشغل البيت على اكمل وجه
المهم معاملته معايا اختلفت وحسيت ان حبه قل ومبقاش بيقدر تعبى ولا يهتم زى زمان لما يزعلنى
وبقا شايف ان كلى عيوب
وبيقولى اى حاجه فى وشى يعنى بيدورلى على اى حاجه وحشه
وعمره ما افتكر فى مناسبه يجبلى هديه بالرغم انى بعمل حسابه وبفتكره حتى فى عيد جوازنا كان عارف انى جبتله هديه كويسه مهتمش يجبلى ورده حتى
انتو عارفين طبعا ان الحاجات دى بتفرق مع اى ست وخصوصا من جوزها
انا جربت اعامله حلو واعامله وحش واقولو انى زعلانه واعرفه انه بيقصر انما بيخده بهزار
عاوزة اعرف رئيكم يا ترى اعمل ايه؟؟؟

معلش انتى لازم تتحملى شويه لانك انتى اللى بداتى فى الاول وحسستيه انك مش بتحبيه

حاولى تقعدى تتكلمى معاه وتقولى له اننا نبدا صفحه جديده واكيد هيوافق وتحاولى تهتمى بيه زياده وتفهميه بالافعال انك بتعزيه وعايزة تكملى المشوار معاه وتهتمى بنفسك وبالبيت اكتر واهم حاجه تدعى ربنا وتصبرى على الاستجابه

وان شاء الله تقولى لنا ان حياتك بقه لونها وردى بازن الله

ميرسى ليكو يا بنات
بس انا فعلا بعمل معاه كده ومعظم الوقت بنبقا زى ما انتو بتقولو كده
وباقى الوقت بيقلب بدون سبب
عشان كده مش عارفه اتعامل معاه

حبيبتى لازم تتحملى لان يمكن وصلو احساس انك مش بتحبيه
لازم تحسسيه انو كل شىء بحياتك
واهتمى بنفسك اكتر وما تهمليش نفسك
وشوفى الشغلات الى بيحبها واعمليها
وممكن تدخلى قسيم الثقافة الجنسية
اكيد له عامل مهم واساسى فى الحياة الزوجية
وربنا يوفقك ويتمملك حملك على خير

ميرسى يا مون عى اهتمامك

انتى لازم تتحمليه لانك انتى الى ما اهتميتى فيه من الاول ويمكن هو حس من عدم اهتمامك بلبسك ولا بيتك انك مابتحبيه لازم تهتمى بشكلك شوية وبيتك وتعملى الى بحبه علشان جوزك يرجع لحضنك وبالتوفيق ان شاء الله

ميرسى يا حبيبتى

السلام عليكم
اختى الكريمه تحيه طيبه لكى
الرجل اختى ما هو الا طفل صغير بين يدى زوجته وبين احضانها وسط حبها وحنانها ودفء مشاعرها التى تجعله ينسجب من الدنيا وينخلع من العالم ويهورل اليها
لا اريد ان اطيل الحديث فى كلام لا طائل منه ولكن ما اريد قوله لك
اولاً : كونى مبتسمه مهما كان بك من الام فعند شعورة بذلك فسوق يقدر انك تتمالكى من اجله .
ثانيا : اشعريه دائما برجولته وان كل ما تتمنيه هو رضاه عنك .
ثالثاً : لاتنتظرى منه المفاجاه بل بادرى انتى بذلك .
رابعاً : عليك والكلام احلو العزب .
خامساً : اهتمى بمواعيد رجوعه من العملوكونى مستعده على اكمل وجه واقصد هنا الملابس الساحرة والتزين الكامل .
سادساً اختارى الوقت المناسب الذى تتكلمى معه فيه
سابعاً : لاتملى من المحاوله ولكن دون ان تشعريه بذلك .
ثامناً : لا تشعريه انك تتعبين من اجله وما الى ذلك لان هذا فى الاساس هو واجبك .
تاسعاً : حافظى على الشعرة الفاصله بين انك تحاولين ارضائه وبين الافراط فى ذلك حتى لايفهم ما تقومين به بشكل خاطئ ولكن دون
انفعال او اى ار سلبيه قد تهدم ما فعلتيه .
عاشراً : اهتمى اهتمام كامل بمظهرك وشكل ملابسك وجسمك واتبعى معه اسلوب معين هو الاقرب اليه وكونى دائما متجدده فى كل شئ اللبس والشكل وحتى الاكلات غيرى وجددى فى الاكلات

وفى النهايه اشكر لكم سعه صدركم جميعا واسفه لو تحدثت بهذ الاسلوب ولكن هذا فى صميم تخصصى فانا معيده بكلية الاداب ودراسه الماجستير الخاصه بى فى العلاقات الزوجيه وتاثيرها على التكوين الاجتماعى وعلاقات الزوجين بالمجتمع
ومش لازم اقولكوا انى اتمنى الا اكون ضيفه ثقيله وانا انتظر اى استفسار وارحب بكم جميعا
اختكم مريم

حبيبتى حاولى تتقربى منه اكتر وحاولى تعرفى ايه اللى مزعله منك ممكن يكون تعبان فى شغله وانتى حسيتى لما هو اهملك شويه بسبب تعبه ده انه مش بيحبك ومعلش الست لازم تستحمل شويه علشان المركب تمشى وربنا يوفقك يارب ويسعدكم وتكونوا فى الجنه مع بعض ان شاء الله وربنا يتمملك حملك على خير ان شاء الله

اولا غلط نتي تقولي علي جوزك انتي مش بتحبية
مال اتجوزتية لية
عاملية بحنية واسمعي كلامة وشوفي النتيجة

لازم تتحمليه مهماعمل لانه جوزك وطاعته من طاعة ربناوشوفي انتى مقصره معاه في ايه وغيري من نفسك ومتخليهوش يمسك عليمي اى غلط والبسي واتزوقي ولونى شعرك غيري استايلك ودلعيه قدماتقدرى وادعي ربنايهديه وعلى فكره عمرالشكل ماكان مقياس للحب اوللحياه المهم المضمون وربنايقومك بالسلامه

tulipemyيا حبيبتي تعالي له شوية شوية ابدئ من غرفت نومك قبل انوم في البداية امسحى راسه بيدك الحلوين يوم الثاني خليها خمسةدقائق يوم الثالث مع مسح الراس خمسة دقائق قبلة ويوم الرابع
احضني راسه حتي نوم مك بعد كيدة كل يوم ترجع كل شي كما كان توفيك من الله